Titimangsa

Abdullah Mustappa nulis prosa, puisi, jeung esey boh dina basa Sunda boh dina basa Indonesia. Eseyna ngeunaan puisi Amir Hamzah unggul dina sayembara nu diayakeun ku Pusat Bahasa, Jakarta. Taun 1997, Abdullah dileler Anugerah Jurnalistik ''''"Zulharmans'''''' ti PWI Pusat pikeun eseyna ''''"Kita Butuh Dialog Kebudayaan'''''' nu dimuat dina harian Pikiran Rakyat. Bukuna nu geus terbit di antarana Hang Tuah (1974), Lembur Singkur (1979), Nu Teu Kungsi Kalisankeun (1981), Mikung (1983), Si Mata Heulang (saduran bebas, 1980), Wirahma Sajak (panganteur apresiasi puisi keur siswa sakola lanjutan, 1985), jeung Cihaliwung Nunjang Ngidul (1995). Jadi editor buku Sawidak Carita Pondok (kumpulan 60 carpon pinilih, 1982), Panggung Wayang (kumpulan carpon Aam Amalia, 1992), Saratus Sajak Sunda (1992), Sajak Sunda Indonesia Emas (1995). Taun 1995, Abdullah dileler Hadiah Samsudi pikeun bacaan barudak ti Yayasan Kabudayaan Rancage. Taun 2001, Abdulah dileler Hadiah Jurnalistik Moh. Koerdi ti Paguyuban Pasundan. Taun 2006, Abdullah dileler Hadiah Sastra Rancage pikeun jasa-jasana dina enggoning ngamumule jeung mekarkeun kasusastraan Sunda. Kungsi jadi pingpinan Penerbit Pustaka Karsa Sunda, redaktur tabloid basa Sunda Galura (Grup Pikiran Rakyat), jeung anggota redaksi koran Pikiran Rakyat.