Puisi

Wawacan Panji Wulung

Wawacan Panji Wulung téh salah sahiji wawacan anu pangpopulérna, lain baé di kalangan urang Sunda, tapi ogé di luar­eun­ana. Éta wawacan nu dikarang ku Radén Haji Muhammad Musa (1822-1886) téh kungsi disalin kana basa Jawa ku Pangéran Adipati Arya Mangkunegara IV, ti dinya disalin deui kana basa Madura. Atuh dina basa Sunda, éta buku téh dicitakna mangkali-kali, boh dina aksara Jawa-Sunda boh dina aksara Latén. Nya dina raraga ngaleungitkeun kapercayaan kana tahayul jeung melakkeun moral ”utama” nu matak salamet dina hirup, R.H. Mu­hammad Musa nganggit Wawacan Panji Wulung. Béda tina wawacan-wawacan lianna anu pinuh ku rupa-rupa kasaktian anu arahéng, dina Wawacan Panji Wulung mah, dibolékérkeun pisan yén dukun anu majar sakti téh, saenyana mah sailon jeung pawarang raja anu mitenahkeun selir kakasih sang raja nu harita keur ngandeg. Éta dukun ahirna maot ku Panji Wulung, budak anu lahir tina kan­dungan selir nu teu tuah teu dosa tur ditibanan hukuman pati ku raja, tapi disalégorkeun ku patihna nepi ka salamet ngalahirkeun sarta tuluy budakna dirorok, nepi ka jadi satria pinilih.

Untuk membaca, silahkan unduh aplikasi di bawah ini: